Медицинска сестра од оддел за интензивна нега, Кирсти Роб, привлече огромно внимание на социјалните мрежи со тврдењето дека пациентите, непосредно пред смртта, често изговараат иста реченица. Во видео објавено на Тикток, кое брзо стана гледано, таа посочи дека веќе четири години работи на интензивна нега и дека забележала повторувачка појава кај пациенти во терминална состојба, пишува „Њујорк пост“.

@kirstierobbbthose who are meant to see this will see it.

♬ original sound – kirstierobbb

„Секогаш велат: ‘Ве молам, кажете му на моето семејство дека ги сакам. Не се чувствувам добро. Знам дека ќе умрам’“, споделила таа, а нејзината изјава ја пренесе и американскиот весник „Њујорк пост“.

A viral TikTok from an ICU nurse claims end-of-life patients always “say the same thing” before they pass away. https://t.co/0ZNk1lQBAZ pic.twitter.com/tQkzVPyuZ8

— The Daily Dot (@dailydot) February 9, 2026

Кирсти смета дека пациентите на некој начин чувствуваат кога им се ближи крајот, дури и кога нивните витални параметри изгледаат стабилни.

Според неа, понекогаш нема јасни медицински показатели дека состојбата е критична, но пациентите сепак изразуваат силно чувство дека им доаѓа последниот момент.

„Без разлика кои лекови се даваат, какви мерки се преземаат или какви постапки се спроведуваат – кога ќе се случи таа внатрешна промена, тие заминуваат“, изјавила таа, додавајќи дека тоа го доживува како духовен момент што тешко може да се објасни.

Во видеото таа ги повика луѓето повеќе да го ценат животот и да не се губат во секојдневни ситници.

„Животот не е создаден да биде бескрајна трка по материјални работи. Тој е наменет да се живее, да се цени и да се истражува“, порачала таа.

Дел од корисниците на Тикток ја поддржаа, меѓу кои и лица што работеле во палијативна нега, истакнувајќи дека и тие имале слични искуства. Други, пак, посочија дека за духовната димензија во здравството ретко се зборува јавно.