ВИДЕО | Манчини направи потег со кој ги налути Саудијците, па се извинуваше: Мислев дека натпреварот заврши
Италијанецот на клупата на Саудиска Арабија, Роберто Манчини против Јужна Кореја направи потег со кои ги налути навивачите.
Во пенал-рулетот од 1/8 финалето на Азиското првенство против Јужна Кореја, Манчини замина во соблекувалната уште пред серијата да заврши, а на крајот неговата селекција беше поразена.
Натпреварот заврши 1:1, додека Саудиска Арабија беше елиминирана по изведувањето на пенали со 4:2. Во соблекувалната Манчини замина по второто промашување на неговата екипа.
По натпреварот новинарите секако го запршаа за ваквиот потег. Манчини се извини и истакна дека заминувал во соблекувалната затоа што сметал дека натпреварот завршил.
„Се извинувам, мислев дека завршија пеналите. Тажен сум што примивме гол во последната минута и изгубивме на пенали. Не разбирам зошто судијата го продолжи натпреварот десет минути. Како екипа мораме да го подигнеме квалитетот, пред нас е многу работа“, изјави Манчини.
Shameful act. Roberto Mancini, a Serie A champion, a Premier League champion, a European champion, can’t respect his players and the country he represents until the end of the penalty shootout. If I’m the Saudi FA, he’s out tonight. #AsianCup2023
pic.twitter.com/81Y5mjXjpA— Uri Levy (@Levyninho) January 30, 2024