Екипите на Брајтон, Блекбурн, Фулам и Манчестер сити се првите патници во четвртфиналето на англискиот ФА Куп. Останатите четири учесници ќе ги дознаеме в среда кога ќе се играат натпреварите: Саутемптон – Гримсби таун, Барнли – Флитвуд таун, Манчестер јунајтед – Вест хем и Шефилд јунајтед – Тотенхем.

Манчестер сити ја оправда фаворитската улога на гостувањето кај Бристол сити (0:3). Головите за „граѓаните“ ги постигнаа Фоден во седмата и 74 минута, и Де Брујне во 81 минута на „Ештон Гејт“ стадионот во Бристол.

Фулам со головите на Палиња (21`) и Соломон (56`) го елиминираше Лидс, а Брајтон со погодокот на Фергусон го исфрли Стоук (0:1).

Елиминација доживеа и составот на Лестер кој пред своите навивачи загуби со 1:2 од Блекбурн роверс.

ФА Куп, осминафинале
Резултати –

Стоук – Брајтон 0:1
Лестер – Блекбурн 1:2
Фулам – Лидс 2:0
Бристол сити – Манчестер сити 0:3