ВИДЕО: Македонецот блеска во Шкотска, Миовски двоен стрелец во триумфот над Хиберниан
Македонскиот репрезентативец ја продолжува гол серијата во шкотската Премиер лига, денеска во 14 коло на домашен терен Абердин со 4:1 славеше против Хиберниан.
Непосредно предд паузата Бојан Миовски стрелаше прецизно од пенал за водство од 1:0. Голот можете да го погледнете ТУКА Нашиот играч ја зголеми предноста во 53 минута, Кларксон изведе корнер, а највисоко во шеснаесетникот скокна Миовски и со глава ја испрати топката во мрежата на Маршал.
Репрезентативниот напаѓач веќе има 10 погодоци сезонава во најсилното првенство на Шкотска.
За 3:0 на денешната средба на „Питодри“ стадионот се погрижи Албанецот Рамадани во 61 минута, намали Украинецот Кухаревич (69`), а Кларксон го постави конечниот епилог (77`).
Абердин е на третата позиција со 22 бодови, веднаш пред Хиберниан на четвртото место со 20. Водечки е Селтик со 33 бодови, пред Ренџерс кој има 29. Во следното коло на 8 ноември Абердин ќе му гостува на шестопласираниот Ливингстон, кој триумфираше со 2:3 на гостувањето кај Килмарнок.
Belter of a header from Miovski #ABEHIB #coyr pic.twitter.com/XQhDdJq1rN
— Neil Roberts 🏴 🇺🇦 (@ferryhiller) November 4, 2022