Фудбалерите на Милан и Сампдорија одиграа нерешено 1:1 во денешниот натпревар од 29 коло во италијанската Серија А.

„Росонерите“ очигледно се откажуваат од Скудетото, моментно се второпласирани со 60 бодови, пет помалку од Интер, но „неро-аѕурите“ имаат два меча помалку, додека Сампдорија е на 10 позиција со 36 бодови.

Во второто полувреме гостите дојдоа со прекрасниот погодок на Фабио Кваљарела, искусниот напаѓач ја искористи грешката на Тео Ернандес и од околу 25 метри го лобуваше истрчаниот Џиџи Донарума.

Но, само 120 секунди подоцна Адријен Силва го доби и вториот жолт картон, Сампдорија остана со еден играч помалку, а домаќините тоа го искористија во 88 минута.

Стрелец на израмнувачкиот гол беше младиот Норвежанец кој не дозволи да биде поразен клубот од Милано.