ВИДЕО | ЛШ: Интер го совлада Салзбург, Баерн победнички во Турција
Во денешниот термин од 18:45 во рамките од третото коло во Лигата шампионите победи забележаа екипите на Интер и Баерн Минхен кои ги оправдаа фаворитските улоги.
Интер на свој терен беше подобар од Салзбург со 2:1. По само 19 минути игра, Алексис Санчез ја затресе мрежата на гостинскиот тим. Иако видовме уште по некоја прилика на двете страни, резултатот во првиот дел не се промени.
Салзбург во вториот дел по 15-тина минути игра успеа да дојде до гол за изедначувцање преку Глук, но Хакан Чалханоглу седум минути по тој гол одново го врати водството на „нероаѕурите“.
GOAL: Calhanoglu gives Inter the lead!
Inter 2-1 RB Salzburg !!
— Listowel 𝕏 (@_listowelx) October 24, 2023
Интер до крајот уште еднаш ја погоди мрежата преку Лаутаро, меѓутоа тој гол беше поништен поради офсајд. Салзбург сепак не успеа да дојде до позитивен резултат.
По овој триумф Интер е на врвот во групата со седум бода од три натпревари, а потоа следува Реал Сосиедад со четири бода и натпревар помалку, Салзбург е трет со три, Бенфика последна без бодови. Вечерва од оваа група својот натпревар го играат Сосиедад и Бенфика.
Баерн Минхен на гостински терен во Истанбул славеше победа од 1:3. Уште во осмата минута Кингсли Коман го отвори резултат, додека Икарди со гол од пенал ја врати надежата кај домашните навивачи.
Во вториот дел Кејн и Мусиала ги обезбедија трите бода за германскиот гигант. Баерн по три кола во групата има максимални девет бодови, Галатасарај четири, а Копенхаген и Манчестер Јунајтед кој својот натпревар го играат вечерва се на третата, односно четвртата позиција.
Pre-Assist Noussair Mazraoui 🅰️🔥
GOAL Harry Kane!
Bayern Munich 3-1 Galatasaray
𝐖𝐄𝐋𝐋 𝐃𝐎𝐍𝐄 𝐌𝐀𝐙𝐑𝐀𝐎𝐔𝐈 🌟🇲🇦 pic.twitter.com/0sAWjTx3Rj
— AkramPRO (@AkramPRO_) October 24, 2023