ВИДЕО: Левандовски ги запозна новите соиграчи, урнебесна реакција на Пјаниќ
Полскиот репрезентативец Роберт Левандовски се приклучи на подготовките на новиот клуб Барселона во Мајами.
Напаѓачот се запозна со новите соиграчи откако вчера го комплетира трансферот од Баерн во Барселона, а јавноста ја насмеа реакцијата на репрезентативецот на БиХ, Миралем Пјаниќ.
Имено, додека Левандовски се поздравуваше со играчите на каталонскиот тим, Пјаниќ не го симнуваше погледот од Полјакот.
Навивачите на Барселона се импресионирани од новиот напаѓач иако весникот „Ел Паис“ тврди дека клубот го преплатил Левандовски.
Барселона објави дека платила 50 милиони евра отштета за Левандовски, а фудбалерот потпишал тригодишен договор за бруто годишна плата од 16 милиони евра, но „Ел Паис“ од извори кои учествувале во преговорите и во трансферот, тврди дека каталонскиот тим ќе плати 60 милиони евра, а напаѓачот ќе има плата од 23 милиони евра бруто.
Welcome to the fam! 💙❤️ pic.twitter.com/9cHcZZKmIo
— FC Barcelona (@FCBarcelona) July 18, 2022