ВИДЕО | Кубанците ја напуштија амбасадата во Еквадор – пред да заминат, запалија документи на покривот
Кубанската дипломатска мисија во Еквадор вчера ја напушти земјата откако истече рокот за заминување од 48 часа што го даде владата на претседателот Даниел Нобоа. Пред да замине дипломатскиот персонал, кубанското знаме беше отстрането од амбасадата, која се наоѓа северно од Кито.
Препорачано
Во соопштение објавено вчера, кубанското Министерство за надворешни работи потврди дека нивната амбасада во Кито ги прекинува сите активности и уште еднаш изрази жалење за „едностраниот и непријателски потег“ на еквадорската влада.
Во средата, Еквадор го прогласи кубанскиот амбасадор Басилио Антонио Гутиерез и неговиот дипломатски персонал за персона нон грата и им даде 48 часа да ја напуштат јужноамериканската земја.
Parrillada de papeles. pic.twitter.com/XBGz512bgi
— Daniel Noboa Azin (@DanielNoboaOk) March 4, 2026
Кратко по објавувањето на одлуката, на покривот на кубанската амбасада во Кито, можеше да се види човек како вади документи од кеса и ги пали во печка. Палењето го видоа новинари од „Асошиејтед Прес“, а видеото подоцна го објави на социјалните мрежи претседателот Нобоа.
Трамп денес се среќава со конзервативни лидери од Латинска Америка
Министерството за надворешни работи на Еквадор објави дека мерката е усвоена во рамките на меѓународното дипломатско право, но не објасни зошто дипломатите биле принудени да ја напуштат земјата. Виенската конвенција им дозволува на државите да прогласат дипломатски персонал за персона нон грата без објаснување.
Дипломатскиот спор се случи во пресрет на денешниот самит каде што американскиот претседател Доналд Трамп се сретна со неколку конзервативни лидери од Латинска Америка, вклучувајќи го и Нобоа. Во последните недели, Американците го зголемуваат притисокот врз земјите што продаваат нафта на Куба. Трамп неодамна ја нарече Куба „неуспешна земја“.
САД и Еквадор започнаа заеднички воени операции против „странски терористички организации“
