ВИДЕО: „КРУГ“- Слушнете го првиот сингл на Никола Мицевски
Никола Мицевски во својот прв сингл “КРУГ”, го пренесува целото негово музичко и животно искуство…
Моментално еден од најекспонираните македонски композитори Никола Мицевски, или “Човекот Музика” како што го нарекуваат неговите колеги, официјално не “почести” со својот прв сингл “KРУГ”, фантастична најава за неговиот прв албум “NEW ERA”
-“World Fusion” музиката од секогаш била моја инспирација. Горд сум на ова дело затоа што во него е собрано целото мое музичко и животно искуство. Животот е “Круг”… исполнет со разни нешта. Секој нареден почеток е ист како претходниот, но секој пат искуството (каменот) е поголемо и тоа не води кон врвот на тоа што сакаме да го имаме и постигнеме! Од срце Благодарам на Даниел Јовески за генијалниот видео спот, кој на “Круг” му даде уште една димензија плус! Огромна благодарност на сите музичари кои се дел од овој проект, и секако посебна благодарност на Дејан Момировски ( XL студио). Благодарам на Андреј Папаз и сите оние кои се дел од оваа аудио и видео приказна наречена “КРУГ” – Никола Мицевски.
Автор на видео спотот е Даниел Јовески, а музиката е снимена во XL студиото на Дејан Момировски.
Никола Мицевски клавир, Зоран Костадиновски – гитара, Иван Кукич – Бас, Благоја Антовски – тапани, Петар Христов – сопран саксафон.
Гудачка секција: Владимир Крстев, Илија Филиповски, Верица Ајтовска, Дијана Мирчевска, Марија Трајковска, Емил Чичоновски.
Костимографија: Андреј Папаз и Даниел Јовески.
Улоги: Јулијана Митревска, Андреј Димовски, Михаил Талев, Мендо Вељановски.
Уживајте…