Поранешната потпретседателка на САД, Камала Харис, не ги нарече директно дејствијата на Израел во Газа „геноцид“ во интервју за Ем-си-ен-би-си, но рече дека тоа е важно и соодветно прашање за дискусија.

На прашањето дали се согласува со членовите на нејзината партија кои ги нарекоа настаните во Газа геноцид, Харис одговори:

„Тоа е правен термин што ќе го одлучи судот. Но, кога ќе го погледнете бројот на убиени деца, бројот на невини цивили што загинаа, одбивањето да се обезбеди помош и поддршка – сите треба да застанеме и искрено да си го поставиме тоа прашање.“

.@KamalaHarris when asked if there’s a genocide in Gaza :

“When you look at the number of children, the number of innocent civilians that have been killed, the refusal to give aid and support. We should all step back and ask this question and be honest about it, yeah.” pic.twitter.com/zSQBdxG5g0

— p (@bey4kh) October 12, 2025

Неколку американски претставници веруваат дека Израел извршил геноцид во Газа

Неколку американски пратеници, вклучувајќи го независниот сенатор од Вермонт, Берни Сандерс, и републиканската претставничка од Џорџија, Марџори Тејлор Грин, ги окарактеризираа дејствијата на Израел во Газа како геноцид во текот на изминатите две години, но обвинението не доби широка поддршка во Конгресот.

Израел жестоко ги отфрли обвинувањата за геноцид, велејќи дека војната започнала со напад на Хамас на 7 октомври 2023 година, во кој загинале околу 1.200 луѓе и зело 251 заложник. Израелската војска го обвинува Хамас за користење на цивилна инфраструктура за војување и киднапирање на хуманитарна помош.

Обвинета за воени злосторства

Како што пишува „Вашингтон пост“, за време на промоцијата на нејзината нова книга „107 дена“ минатиот месец, мемоари за неуспешната кампања за претседателските избори во 2024 година, Харис често била цел на пропалестинските демонстранти кои ја обвинија за воени злосторства и поддршка на геноцидот во Газа.

Бев првата личност на највисоко ниво од американската влада што проговори за фактот дека луѓето во Газа гладуваат“, рече таа во тоа време.

Во интервјуто, Харис беше прашана дали американскиот претседател Доналд Трамп треба да биде пофален за неговата улога во посредувањето за прекин на огнот меѓу Хамас и Израел, со кој вчера беа ослободени последните преживеани заложници земени за време на нападот на 7 октомври.

„Не мислам дека треба да оддаваме заслуги што не се заслужни. Само се надевам дека прекинот на огнот е вистински и дека заложниците се слободни, дека Газа повеќе не е цел на брутална сила и дека помошта доаѓа. Би сакала да ги пофалам сите што беа дел од тој процес – Катарците, Египќаните и претседателот“, одговори таа.