ВИДЕО: Јувентус конечно победи во Серија А

Прва радост за фудбалерите на Јувентус/22 септември 2021 година/фото: EPA-EFE/FABIO FAGIOLINI

Фудбалерите на Јувентус дури во петтото коло ја забележаа првата победа сезоната во Серија А. „Старата дама“ славеше на гостувањето кај Специја со 2:3.

Резултатот го отвори Моизе Кин во 29. минута, но првото полувреме заврши нерешено 1:1. За тоа се погрижи Емануел Гуаси во 33 минута.

На стартот од вториот дел, фудбалерите на Јувентус доживеаја нов шок, Јанис Антист во 49 минута и носи предност од 2:1 на Специја.

Сепак, Јувентус успеа да направи пресврт со головите на Федерико Киеза во 66 и на Матијс де Лихт во 72 минута и да дојде до првиот триумф сезонава.
Со победата Јувентус скокна на 12. место на табелата со пет бодови, дури осум помалку од лидерот Интер.

Видео на денот