Најмалку шест луѓе се убиени синоќа во израелски воздушен напад врз Кфар Дунин во јужен Либан, објави либанската државна новинска агенција (ННА).

„Непријателски авион синоќа удри во куќа во Кфар Дунин и уби шест, а повреди седум лица, кои беа пренесени во болници во Тир“, напиша агенцијата.

Во меѓувреме, поради очекуваното бомбардирање израелската армија преку социјалните мрежи нареди евакуација на жителите на малото гратче Сохмор во долината Беках на истокот од земјата.

Israel dropped bombs on a school run by nuns today in Nabatieh, South Lebanon.

They obliterated it.

Not a military site.

A school run by religious sisters. pic.twitter.com/RZossXhESg

— sarah (@sahouraxo) May 11, 2026

И покрај прекинот на огнот што е во сила од 17 април, Израел продолжи да гранатира неколку региони во Либан, а проиранската милиција Хезболах продолжува да ја презема одговорноста за нападите врз израелски цели.

И покрај примирјето, убиени 14 луѓе во израелски напад на Јужен Либан

На 2 март, Хезболах го нападна Израел со балистички ракети за да ја одмазди смртта на врховниот лидер на Иран, ајатолахот Али Хамнеи, кој беше убиен на првиот ден од израелско-американската офанзива против Техеран. Израел одговори со масовни воздушни напади и копнена инвазија на југот од земјата.

Од почетокот на војната во Либан, 2.869 лица се убиени во израелски напади, според либанското Министерство за здравство, вклучувајќи десетици убиени откако стапи на сила прекинот на огнот.

Понатамошни преговори меѓу Либан и Израел се очекуваат во четврток и петок во Вашингтон.