ВИДЕО: Испишана историја во Токио, Рохас сруши рекорд стар 26 години

Фото: EPA-EFE/HOW HWEE YOUNG

Јулимар Рохас од Венецуела оствари спектакуларен светски рекорд во трискок на Летните олимписки игри во Токио.

Таа е новата олимписка шампионка, но и нова светска рекордерка во оваа атлетска дисциплина.

Во последната серија изведе фантастичен скок од 15,67 метри и убедлив постави нов светски рекорд.

За вкупно 17 сантиметри го урна рекордот стар 26 години на Инеса Кравец (СССР) која скокна 15,50 метри во далечната 1995 година. Успехот е уште поголем поради податокот кој вели дека ова е прво олимписко злато за Венецуела во историјата на Олимписките игри.

Второто место во оваа дисциплина го освои европската шампионка од Португалија, Патрисија Мамона (15,01 метри), а бронзата е во рацете на Ана Пелетеро од Шпанија (14,87 метри).

Видео на денот