ВИДЕО ИНТЕРВЈУ | Таравари: Ако одиме заедно на избори ќе и направиме штета на СДСМ
„Ние кои сме дел од власта сме ја разгледувале и оваа опција да одиме сите заедно. Ако одиме сите заедно мислам дека априори и правиме штета на СДСМ. Овој вординг што се користи во последно време особено од ВМРО-ДПМНЕ и Левица го поларазира општеството. ВМРО-ДПМНЕ декларативно зборува дека е за европска Македонија дека први го промовирале тоа деведесеттите, меѓутоа практично како делува на терен не остава таков впечаток. Не сакам да помислам дека ВМРО-ДПМНЕ ќе биде пречка за понатамошно вклучување на Македонија во ЕУ- вели Арбен Таравари, лидер на Алијанса на Албанците во интервју за утринската програма „Слободен печат“ на Слободна ТВ.
Според Таравари СДСМ треба да си собере сите проевропски македонски партии и да си направи кампања.
-Ние албанските партии треба да смислиме опција како помалку блокови да имаме или една заедничка, што е невозможна мисија, најмногу два. Алијанса е одлучувачки фактор во моментот. Ако оди Алијанса со ДУИ најверојатно ќе има 4/5 од вкупниот број на албански пратеници. Ако оди со опозицијата ќе има над половина, ќе се случи промена во албанскиот блок и за првпат се победи ДУИ. Ако оди АА сама, со одредени помали албански партии тогаш ДУИ повторно ќе победи и тогаш ќе имаме три блока што не е добро“, заклучи претседателот на Алијанса за Албанците.
Целото интервју погледнете во продолжение: