Новата територијална организација треба се прави многу внимателно, професионално, со екеперти докажани во својата облест и со интердисциплинарен пристап на иснтитуциите, затоа што општините треба да ги задоволат потребите на граѓаните во однос на економијата, здравството, образованието, инфраструктурата, како и во секој друг сегмент од општественото живеење, порачува во интервју за „Утрински печат“, Дончо Герасимовски, поранешен директор на Државниот завод за статистика и два пати учесник во територијалното организирање на државата.

– Има нерамномерност и нееднаков развој на општините. При креирањето на новата регионална организација треба да се следат квалификациите, стнадардите и дефинициите од Резолуцијата што ја донесе Европскиот парламент во однос на регионалните политики што треба да се водат во една земја – објаснува Герасимовски.

Тој вели дека малите, рурални општини ги немат сите оние инструменти кои согласно законот треба да функционирааат.

– Имате општините со над 65 населени места, а 90 отсто од населението е концентрирано во град. Каков регионален развој ќе имате тогаш? – прашува Герасимовски.

Во моментов имаме 80 општини, а во Министерството за локална самоуправа се работи на нов модел на територијална организација на локалната самоуправа.

Целото ВИДЕО-ИНТЕРВЈУ погледајте го во продолжение: