Во текот на јануари во Македонија се регистрирани 6 убиства, што е мошне висока бројка за нашите простори, особено доколку се спореди со статистиката од минатите години.

– Toкму овој јануари беше ставен поголем медиумски акцент врз бројот на убиствата. Не велам дека статистиките не се точни, туку се пренагласени. Е сега кои би биле причините за тоа? Јануари е месец кога сите се дома, луѓе си доаѓаат од странство и го поминуваат одморот со најблиските, време е на продолжени одмори, колективни одмори и тогаш лиѓето се во една да кажам тесна средина во рамки на семејството и домот. Тогаш е поголема веројатноста да излезат на виделина сите работи кои во секојдневието се инхибирани, односно останале неискажани – вели психологот Ана Будиновска.

Во нејзиното интервју во „Утрински печат“, таа потенцираше дека нарушената психа би можела да биде надразнета или предизвикана и од надворешни фактори, но и од медиумите кои понекогаш неодговорно се натпреваруваат во објавувањето на т.н. црни вести.

Посебен осврт, Бундиновска има и за правилниот третман на преживеаните лица од земојотресите што неодамна ги погодија областите во Турција и во Сирија.

Целото интервју со психологот Ана Бундиновска можете да го проследите на следниот линк: