Мајк Тајсон и Рој Џонс јуниор боксуваа во ревијалниот меч одржан во Лос Анџелес кој заврши нерешено.

Беше договорено мечот да биде од ревијален карактер, првиот судија даде резултат 76:76, вториот во корист на Тајсон (79:73), а третиот за Џонс јуниор (80:76), за на крајот да излезе неофицијален резултат, реми. Во осум рунди, по две минути, и двајцата покажаа неверојатна сила и физичка подготовка.

„Железниот Мајк“ удираше и после звукот на гонгот кој означува крај на рундата, како што и правеше и во текот на професионалната кариера, беше многу мотивиран, а во секоја рунда влегуваше „експлозивно“ и со многу жар.

– Да, мислам дека јас победив. Но, задоволен сум од ремито. Ја забавувавме публиката – рече Тајсон.

Својата последна борба Тајсон ја имаше во 2005 година кога загуби од Кевин Мекбрајд.