ВИДЕО | Илон Маск отвори погон на „Тесла“ во Германија: Вниманието го „украде“ однесувањето на милијардерот!
Погонот на „Тесла“ официјално е отворен во Германија. Илон Маск вчера официјално го отвори првиот производствен погон на „Тесла“ во Европа бидејќи компанијата настојува да го намали притисокот на своите други погони во САД и Кина.
Меѓутоа, медиумите ширум светот пишуваат за тоа што основачот на „Tесла“ правел на отворањето.
Маск бил забележан како танцува (рапува) додека ја најавува испораката на првите автомобили на „Тесла“ со германско производство за 30 клиенти и нивните семејства во фабриката на прозводителот на автомобилот која вреди 5 милијарди евра.
Elon Musk dancing at the opening of the new #gigafactory just outside Berlin, where he was handing the first Tesla Model Y vehicles to their owners #GigaBerlin pic.twitter.com/mxcO8RYs6T
— Daniel Orton (@MisterOrton) March 22, 2022
„Ова е прекрасен ден за „Tесла““, изјавил Маск, пред да го поздрави покренувањето како „уште еден чекор во насоката за одржлива иднина“, пренесува Ројтерс.
Директорот на „Tесла“ го оживеал сеќавањето на покренувањето на фабриката во Шангај во 2020 година, каде што покажал и некои од своите танцови способности.
Elon is dancing again!! pic.twitter.com/IKcQCYhk6u
— Tesla_Adri (@tesla_adri) March 22, 2022
Илон Маск на крајот од еуфоријата поради првата испорака на „Тесла“ автомобилот од Европа па на Твитер објавил: „Danke Deutschland“ (Благодарам, Германија), а на речиси 170.000 луѓе им се допаднал неговиот твит на германски јазик.
🇩🇪🇩🇪 Danke Deutschland!! 🇩🇪🇩🇪
— Elon Musk (@elonmusk) March 22, 2022
Инаку, во полн капацитет фабриката би требала да произведува по 500.000 автомобили годишно, значително повеќе од „Фолсваген“ кој лани ширум светот продаде 450.000 електрични возила на батерија.