Репрезентацијата на Португалија убедливо ја совлада селекцијата на Узбекистан со 5:0 (3:0) во натпревар од второто коло во групата К на Светското првенство, а во центарот на вниманието повторно беше Кристијано Роналдо, кој постигна два погодоци.

За Роналдо овие голови имаа дополнително значење, бидејќи во изминатите денови голем број аналитичари сметаа дека не треба ниту да биде стартер во овој натпревар.

По својот прв гол, португалската ѕвезда емотивно извика: „Се вратив!“, испраќајќи јасна порака до критичарите.

За натпреварот говореше поранешниот шведски напаѓач Златан Ибрахимовиќ, кој за време на Светското првенство работи како стручен коментатор.

„Тоа беше натпревар во кој Португалија мораше да биде ефикасна и да постигне многу голови“, изјави Ибрахимовиќ.

Потоа се осврна и на изјавата на Роналдо:

„Не знам зошто рече дека се вратил. Мислев дека никогаш не ни заминал“, порача Ибрахимовиќ, испраќајќи зборови на поддршка за својот долгогодишен ривал и еден од најдобрите фудбалери на сите времиња, Кристијано Роналдо.

🇵🇹 @Ibra_official shares his thoughts on @Cristiano Ronaldo’s dominant performance for Portugal pic.twitter.com/c1bFNQy13P

— FOX Sports (@FOXSports) June 23, 2026

ВИДЕО | Мундијалски вести: Бесмртниот Роналдо и докторската дисертација на Карлош Кеирош

ВИДЕО | Роналдо не сакаше да одговори на прашање за Меси