Фудбалскиот клуб од кочанското село Уларци се наоѓа пред неочекуван проблем на стартот на својата натпреварувачка сезона – нема каде да ги игра домашните натпревари.

Причината е тоа што единственото фудбалско игралиште во селото во меѓувреме е преорано и претворено во земјоделска површина, на која е посеано жито.

Тоа создава сериозен организациски проблем, бидејќи домашните натпревари се неизвесни и мора да се бараат алтернативни решенија во околните населени места.

Станува збор за игралиште со долга традиција, кое според мештаните повеќе од 80 години било користено за фудбалски активности.

Прилог за оваа трагикомична ситуација направи локалната телевизија „М-Нет“ од Штип.