Репрезентацијата на Хрватска стигна до втората победа во третиот натпревар од квалификациите за Европското првенство откако денес убедливо ја победија Летонија со 5:0.

Хрватите не дозволија никако изненадување и натпреварот го решија уште во првото полувреме кога со головите на Петковиќ во втората, Иванушец во 13-тата и повторно Петковиќ пред крајот на првите 45 минути имаа сигурна предност од 3:0.

Во вториот дел Крамариќ и Пашалиќ ги поставија конечните 5:0. Хрватска со овој триумф се истакна како главен фаворит за првото место во групата посебно по ремито на Турција со Ерменија 1:1.

Шкотска која е најпријатното изненадување во овој циклус продолжи да доминира во групата А каде што е и Шпанија која денес ја победи Грузија со 7:1 во единствениот натпревар во терминот од 18:45 часот.

Шкотска го совлада Кипар со 0:3 и така дојде до петтата победа во исто толку натпревари. Шкотите во тие пет средби постигнаа 12 голови, а примија само еден.

Победа вечерва оствари Португалија која ја совлада Словачка со голот на Бруно Фернандеш. На останатите средби БиХ славеше со Лихтенштајн со 2:1, додека Луксембург го совлада Исланд со 3:1.