Ахмед ал-Ахмед, кој на 14 декември се соочи и разоружа еден од терористите кои отворија оган на прославата на Ханука на плажата Бонди во Австралија, убивајќи 15 лица, беше почестен во средаѕс вечер на настан од добротворната организација „Колел Чабад“ на Менхетен за неговиот херојски чин, при што изјави дека едноставно ја исполнувал својата „должност како човек “.

„Ја извршувам својата должност. Помагам и спасувам… Чувствував дека е моја должност како човечко суштество. Да помагам, да ги заштитувам луѓето“, нагласи 43-годишниот австралиски државјанин од сириско потекло, кој беше сериозно повреден во обидот да го одземе пиштолот од терористот. На крајот, тој успеа, спречувајќи понатамошни загуби на животи.

„Мојата цел беше едноставно да му ја земам пушката и да го спречам да убие едно лице, а да не убие невини луѓе. Знам дека спасив многумина, но ми е жал за оние што беа изгубени“, изјави тој пред неколку дена.

Bondi Beach hero Ahmed Al-Ahmed honored at NYC Chabad gala, calls selfless act disarming shooter his ‘duty as a human being’ https://t.co/PK3eXqfP8F pic.twitter.com/K2vJU66AjE

— New York Post (@nypost) January 8, 2026

Како што се гледа на видео од вчерашниот настан, 43-годишникот носи еврејска кипа на главата и лонгета на раката поради операцијата, додека откри дека не може да ги користи прстите поради повредите од пукањето и се надева на брзо закрепнување.

„Искрено, ме боли. Знаете, прстите престанаа да ми работат. Не работат, но ќе се подобрат… Ми треба време, знаете, еден или два месеци, така вели докторот. Се надевам дека сè ќе биде добро“, рече тој.

Како што објавува „Њујорк пост“, херојот на Бонди доби особено топло добредојде кога на сцената го претстави рабинот Јехорам Улман од Хабадот на Бонди, таст на рабинот Ели Шлангер, една од жртвите на нападот на плажата Бодаи.

A powerful evening none of us will forget at the Colel Chabad dinner, honoring true heroes.

Ahmed Al Ahmed, a Muslim Australian who wrestled the Bondi Beach terrorist, was embraced by Rabbi Ulman of Sydney, whose son-in-law was murdered at the Menorah lighting.

Rabbi Ulman… pic.twitter.com/zOZTKhxvIf

— Yaacov Behrman (@ChabadLubavitch) January 8, 2026

„Пред три недели, злото нè погоди. Беше во пресрет на Ханука, прекрасно неделно попладне. Се подготвувавме да ја запалиме менората, кога двајца терористи, татко и син, отворија оган врз нашиот собир.

Тие украдоа 15 драгоцени души, мажи, жени и едно 10-годишно дете. „Овие луѓе беа многу, многу блиски со моето семејство и, се разбира, еден од нив беше мојот сакан зет“, им рече Улман на насобраните.

🚨The Muslim Bondi Beach hero, Ahmed al-Ahmed, wears a kippah out of respect while visiting the Ohel of Chabad-Lubavitch in New York.

This should be a reviving story and a reminder of how Muslim–Jewish relations should look: peaceful, harmonious, and prosperous. ☪️✡️ pic.twitter.com/NI83F6F2JN

— Loay Alshareef لؤي الشريف (@lalshareef) January 8, 2026

„Постои болка. Длабока болка. Секој изгубен живот е цел свет одземен од нас. Но, тука сум и да ви кажам дека темнината нема да надвладее, нема да го намали нашето свето дело, ниту за момент“, рече тој.

Ал-Ахмед во вторникот отпатува за Њујорк за да помине време со еврејските водачи, посетувајќи го Охел Хабад Лубавич во Квинс за да го види гробот на рабинот Менахем М. Шнирсон.

Присутните на настанот – од кои некои ги загубија и најблиските во масакрот – изразија огромна благодарност до Ал-Ахмед.