ВИДЕО | Хелен Мирен вербално нападната на улица во Лондон — пропалестински активист ја нарекол „злобна ционистка“
Оскаровката Хелен Мирен се најде во центарот на нов скандал откако на социјалните мрежи се појави снимка на која пропалестински активист ја навредува на улица во Лондон, објави британскиот весник „Телеграф“.
Препорачано
-
1
-
2
-
3
Helen Mirren called ‘evil Zionist b—-’ by pro-Palestine activist
Footage on social media shows the Oscar-winning actress, 80, being accosted as she walked along the street in London with her husband, director Taylor Hackford.
🔗: https://t.co/O3ECQ2ZAoR pic.twitter.com/4oFQarcMBA
— The Telegraph (@Telegraph) May 28, 2026
Инцидентот се случил додека 80-годишната актерка шетала со својот сопруг, режисерот Тејлор Хекфорд, во близина на Тауер Хил во британската престолнина. На видеото може да се слушне како маж ѝ довикува навреди и ја нарекува „злобна ционистка“, алудирајќи на нејзините претходни јавни ставови за Израел.
Според британските медиуми, случајот сега го разгледува и полицијата во Лондон како можен говор на омраза.
Контроверзиите околу Хелен Мирен се интензивираа во последните години, особено по нејзината улога на Голда Меир во филмот „Голда“ од 2023 година. Во филмот таа ја толкуваше поранешната израелска премиерка за време на Јомкипурската војна, а изборот на актерката тогаш предизвика бурни реакции бидејќи Мирен не е Еврејка.
Актерката и претходно јавно говореше за својата поврзаност со Израел. Во интервју од 2023 година изјави дека верува во правото на постоење на Израел „поради Холокаустот“, но истовремено нагласи дека не се согласува со дел од политиките на израелската влада. Мирен откри и дека уште во 1967 година престојувала во Израел, кога, како што рекла, била сведок и на неправди врз арапското население.
Снимката од инцидентот брзо се прошири на социјалните мрежи и предизвика поделени реакции. Дел од јавноста остро го осуди вербалниот напад врз актерката, додека други повторно ја отворија дебатата за јавните личности кои јавно изразуваат ставови поврзани со конфликтот меѓу Израел и Палестина.
Организацијата „Кампања против антисемитизмот“ го осуди инцидентот, оценувајќи дека станува збор за заплашување и екстремизам маскиран како активизам.
Хелен Мирен важи за една од најголемите британски актерки на својата генерација. Во кариерата долга повеќе од шест децении има освоено Оскар, повеќе награди БАФТА, Златен глобус и Еми, а најпозната е по улогите во филмовите „Кралицата“, „Голда“ и серијата „Главен осомничен“.
