После првото полувреме на стадионот „Максимир“ во Загреб екипата на Динамо со 2:0 води против Бодо/Глимт во реваншот од плеј-офот за пласман во групите на Лигата на шампионите.

Првиот меч во Норвешка заврши со триумф на Бодо/Глимт од 1:0, но со овој резултат во хрватскиот главен град, „модрите“ се поблиску до остварување на целта.

Домаќините го постигнаа првиот гол уште во четвртата минута со погодокот на Оршиќ после еден контра напад за голема радост на трибините.

Вториот гол беше реализиран во 35 минута, македонскиот репрезентативец Стефан Ристовски асистираше до Петковиќ кој на прекрасен начин со „ножички“ ја затресе мрежата на Хаикин. Во домашниот состав од првата минута е и вториот наш репрезентативец Аријан Адеми.

На другите два меча по првите 45 минути: ПСВ – Ренџерс 0:0 и Трабзонспор – ФК Копенхаген 0:0.