ВИДЕО | Госпоѓа Вилис, волонтер во полицијата на Лос Анџелес, е прогласена за „икона“ исто како и нејзиниот син Брус
Марлен Вилис повеќе од две децении секој вторник, среда и четврток поминува во полицијата на Лос Анџелес, а сега капетанот на станицата откри неверојатен детал за нејзиниот однос со синот.
Марлен Вилис, мајката на тешко болниот актер Брус Вилис, штотуку е главна тема во полицијата на Лос Анџелес (LAPD). Имено, оваа деведесетгодишна жена, која веќе 22 години волонтира во полициската станица во западен Лос Анџелес, е наградена со важно признание кое ѝ го врачи капетанот Рич Габалдон.
Препорачано
Вработените во станицата ја нарекуваат своја „маскота и икона“, а секој вторник, среда и четвртка нејзината работа е да ја проверува граматиката и да додава забелешки во полициските извештаи, пренесува „Ен-би-си“.
„Толку многу сакам да помогнам“
„Толку многу сакам да помогнам, навистина многу. Ова е моето второ семејство“, изјавила Марлен Вилис за овој медиум.
Мајката на Брус истакна и дека во рамките на полицијата стекнала бројни и цврсти пријателства за цел живот.
„Госпоѓа Вилис е исклучително важен дел од западен Лос Анџелес и полицијата LAPD. Таа овде е вистинска икона“, рекол Габалдон. Полицајците кои работат во таа станица изјавиле дека и самото присуство на Марлен знае да им измами насмевка и во најтешките денови.
„Никогаш не спомена дека славниот Брус ѝ е син“
„Мислам дека таа го претставува она најдоброто во луѓето, поединци кои веруваат во работата што ја вршат нашите полицајци и полицајки“, навела поранешната шефица на LAPD, Мишел Мур.
Мур претходно ѝ ја врачи на Марлен наградата за волонтер на годината во рамките на LAPD, заедно со уште едно посебно признание.
„Иако не можам да ја направам полицајка, можам барем да ѝ го дадам најголемиот симбол на она што значи да се биде полицајац. А тоа е значката на полицијата на управниот центар“, рекла Мур.
