Елиминацискиот дуел од осминафиналето на Купот на Катар меѓу Ал Шанија и Ал Шамал привлече големо внимание, но не поради квалитетен фудбал, туку поради навистина неверојатниот автогол на голманот Оумар Бари.

Натпреварот течеше во мирен ритам и без голови сè до самата завршница, поточно до 92. минута. Тогаш играчите на Ал Шанија добија слободен удар од околу 40 метри. Јосуф Раиси упати силен удар директно кон средината на голот, а сè укажуваше дека Бари без поголеми проблеми ќе интервенира.

Сепак, следуваше шокантен момент, голманот најпрво ја одби топката високо во воздух, а при обидот да ја исфрли над пречката, несреќно ја смести во сопствената мрежа. Тој автогол се покажа како решавачки, бидејќи до крајот немаше промена на резултатот, па Ал Шамал на најнесреќен можен начин го заврши настапот во Купот на Катар.

An unusual scene in the Qatar Stars Cup match! 🇶🇦

Al Shamal SC goalkeeper Oumar Barry’s bizarre own goal in the final moments left spectators stunned.pic.twitter.com/iDc79mNWhu

— Goals Xtra (@GoalsXtra) January 27, 2026