ВИДЕО: Голем инцидент во Белгија, летаа болиди на сите страни во женската Формула 1
Голема драма беше видена во рамките од „W“ серијата, женската верзија на најбрзиот „циркус“ на светот, Формула 1.
Дури шест болиди учествуваа во жесток судир на патеката Спа Франкошамп која се одржува годинава во Белгија.
Натпреварувачките Фабиен Волвенд, Битске Визер, Сара Мур, Аби Итон, Ајла Егрин и Белен Гарсија учествуваа во голем инцидент.
Информациите велат дека Визер и Егрин се здобија со посериозни повреди и веднаш беа префрлени во болница.
Моментно на табелата во шампионатот води Британката Џејми Чедвик со 91 бод, пред нејзината сонародничка Елис Пауел (84), а на третата позиција е Ема Кимилаинен од Финска (60).
До крајот на сезоната остануваат уште три трки, во Холандија, САД и Мексико.