Новак Ѓоковиќ месецов конечно ќе настапи на првиот голем турнир во 2022 година, мастерсот во Монте Карло.

Откако француската влада ги ублажи мерките против коринавирусот, првиот тенисер на светот кој е невакциниран, пристигна во Монте Карло и ги започна подготовките за настап на турнирот кој започнува на 11 април.

Новак на социјалните мрежи објави кратко видео од еден од тренинзите на терените на кои ќе се игра турнирот .

👋😃 @ROLEXMCMASTERS pic.twitter.com/Ptp1LwECbq

— Novak Djokovic (@DjokerNole) April 3, 2022

На мастерсот во Монте Карло нема да настапат вториот и третиот тенисер на светот, Данил Медведев и Рафаел Надал кои се повредени.

Новак Ѓоковиќ во 2022 година одигра само три официјални меча и тоа на турнирот во Дубаи каде ги совлада Мусети и Хачанов по што загуби од Весели, а ги пропушти Австралија Опен бидејќи беше протеран од Мелбурн, како и мастерсите во Индијан Велс и во Мајами бидејќи владата на САД не дозволува влез во земјата на невакцинирани лица.