Претседателскиот кандидат на крајната десница Ерик Земур беше нападнат на неговиот прв предизборен митинг во Франција. Додека 63-годишникот се движел низ толпата кон бината, маж накратко го фатил за врат пред да интервенираат полицајците од обезбедувањето.

Локалните медиуми јавуваат дека на Земур му бил повреден зглобот и дека лекарите му препишале девет дена одмор.

По неколку недели шпекулации, Земур минатата недела ја објави својата кандидатура за претседателските избори во Франција во 2022 година.

Zemmour agressé en plein meeting. Un homme "connu des services" en garde à vue pour "violences avec préméditation". https://t.co/xnTaymvljJ

— Laurent Obertone (@LaurentObertone) December 5, 2021

Инцидентот во кој беше нападнат Земур е еден од неколкуте насилни судири за време на настанот, одржан синоќа во конгресниот центар североисточно од Париз, пишува Ројтерс.

Според локалните медиуми, на митингот присуствувале околу 10.000 луѓе. Наводно, илјадници демонстранти против екстремно десничарскиот политичар маршираа низ градот, а полицијата уапси десетици пред местото на настанот.

WARNING: GRAPHIC CONTENT – French far-right presidential candidate Eric Zemmour promised a ‘reconquest’ against decades of decline at his first political rally, as scuffles with anti-racism protesters broke out on its fringes https://t.co/J19m7HELcV pic.twitter.com/Hjp25UTG0P

— Reuters (@Reuters) December 6, 2021

Земур бил нападнат додека провалувал низ толпата. Полицијата брзо го уапси напаѓачот, а портпаролот на партијата на Земур за весникот Фигаро изјави дека планираат да поднесат правна жалба и ја пофали „храброста“ на Земур што одржал говор по инцидентот.

Подемот на Ерик Земур: Трката за наследник на Макрон

Пресметка меѓу поддржувачите и демонстрантите

Додека го започнуваше говорот, неговите поддржувачи фрлаа столови кон демонстрантите кои биле облечени во маици со антирасистички пароли.

„Ако победам на овие избори, тоа нема да биде уште една ротација на власта, туку повторно освојување на најголемата земја во светот“, им порача тој на насобраните за време на долгиот говор.

Екстремно десничарскиот политичар ги критикуваше и политичките елити и медиумите. Неколку пати толпата им упати свирежи на новинарите собрани во арената.

„Јас сум единствениот кој ја бранам слободата на мислата, слободата на говорот“, рече тој, отфрлајќи ги обвинувањата за фашизам, расизам и мизогинија. Земур во минатото беше осуден за говор на омраза.

Анкетите во моментов покажуваат дека актуелниот претседател Емануел Макрон најверојатно ќе ја задржи власта, но аналитичарите веруваат дека исходот од трката е сè уште неизвесен.

Десничарската Републиканска партија минатиот викенд го избра Валери Пекрес за свој кандидат во 2022 година.

Ова не е прв пат француски политичар да биде нападнат, а во минатото напаѓан беше и актуелниот претседател, Емануел Макрон

ВИДЕО: Макрон повторно нападнат, полицијата го уапси напаѓачот

ВИДЕО | „Долу Макронија“: Макрон доби шамар при средба со граѓаните