ВИДЕО | Фоден херој за Манчестер Сити, „граѓаните“ со пресврт до победа во градското дерби
Манчестер Сити славеше победа во денешното градско дерби против Манчестер Јунајтед со 3:1.
Од самиот почеток на натпреварот избраниците на Пеп Гвардиола тргнаа офанзивно, меѓутоа гостите од „Олд Трафорд“ од првата посериозна прилика успеаа да постигнат гол. Маркус Рашфорд ја затресе мрежата со одличен удар од далечина.
И по тој гол на Рашфорд Сити беше тимот кој ја имаше топката во свој посед, Јунајтед се закануваше само преку контри. Андре Онана беше одличен на голот и забележа неколку фантастични интервенции. Ерлинг Халанд во самата завршница од полувремето не реализираше ситуација во која имаше празен гол пред себе.
Продолжија домаќините со нападите и во второто полувреме, а конечно мрежата на Онана се затресе во 56. минута, стрелаше Фил Фоден. На десетина минути пред крајот Фоден го постигна и својот втор гол по асистенцијата на Алварез.
Халанд во листата на стрелци се запиша во судиското продолжение кога ги постави конечните 3:1. Со ови три бода Манчестер Сити се враќа на еден бод негатива во однос на Ливерпул кој е лидер на табелата со 63 освоени бодови. Манчестер Јунајтед е шести со 44 бода.