ВИДЕО: Ентони Дејвис постави рекорд на сезоната, ослабениот Мемфис го запре Далас
Ентони Дејвис постигна личен рекорд оваа сезона во НБА лигата со 41 поен и беше најзаслужен за победата на Лос Анџелес лејкерс над Торонто (132:131).
Одлуката во една многу возбудлива завршница дојде од слободно фрлање. Дејвис постигна 10 од последните 12 поени за „езерџиите“, а од кои дури осум од линијата за слободни фрлања.
Покрај 41 поен, Дејвис имаше и 11 скокови и шест асистенции. Неговиот тимски колега Леброн Џејмс натпреварот го заврши со 22 поени и 12 асистенции. На спротивната страна за Репторси доминираа Барнс со 26 поени (шест скокови) и Сиакам со 25 поени.
Иако до крајот на сезоната останаа без својот најдобар играч Џа Морант, тоа не се виде во играта на Мемфис на дуелот против Далас. Лесно ги совладаа Маверикси на нивен терен со 120:103. Во победничките редови Бејн запиша 32 поени, девет скокови и четири асистенции.
Кај Далас Ирвинг постигна 33 поени, а Дончиќ 31 поен со по шест скокови и асистенции, но во ниту еден момент не успеаја сериозно да го загрозат триумфот на тимот од Мемфис.
НБА лига, резултати –
Детроит – Сакраменто 110:131
Орландо – Минесота 92:113
Њујорк – Портланд 112:84
Далас – Мемфис 103:120
ЛА Лејкерс – Торонто 132:131
