ВИДЕО | Едно лице загина при пад на гондола во скијачки центар во Швајцарија
Едно лице го загуби животот денес откако гондола падна поради силни ветрови на снежна падина во скијачки центар во Швајцарија.
Препорачано
Портпаролот на кантоналната полиција каде се случила несреќата им соопшти на новинарите дека едно лице починало, но дека точната причина за смртта сè уште не е потврдена. Починатиот, чиј идентитет засега не е објавен, бил сам во гондолата, информираше полицијата.
Како што пренесуваат локалните медиуми, хеликоптер веднаш бил испратен на местото на настанот поточно во скијачкиот центар Енгелберг во централна Швајцарија, соопшти службата за воздушно спасување Рега.
Horror ongeval met gondel. Zoals deze video laat zien, is een gondellift in het Zwitserse #Engelberg in het kanton Obwalden neergestort. Er staat momenteel een sterke wind in het gebied. Of er personen in de gondel zaten is nog niet duidelijk #20Min 🇨🇭 pic.twitter.com/vfOny8EwK6
— Johanns (Alpen)weer @johannsalpenweer.bsky.social (@Alpenweerman) March 18, 2026
Истрагата за причината за несреќата е во тек, соопшти кантоналната полиција Нидвалден.
Инаку падот на гондолата од жичницата се случил околу 11 часот наутро, а операцијата за спасување била отежната поради ветрови со брзина до 84 километри на час, објавија швајцарските медиуми.
