Црвена звезда се намачи, но сепак дојде до трофејот во Купот на Србија откако по подобро изведување на пенали ја совлада Војводина, регуларниот дел заврши без победник 2-2. Ќе потсетиме, дуелот започна и со половина час доцнење поради нереди на трибините.

Војводина одлично тргна во натпреварот и со најбрзиот гол во едно финале кој го постигна Шуз по само две минути игра поведе со 1-0. Звезда ја имаше иницијативата, но немаше некои посериозни прилики за гол.

Стигна Војводина и до втор гол кога Видосављевиќ во 35. минута се погрижи за 2-0. Со предност од два гола Војводина замина на паузата.

Во второто полувреме избраниците на Станковиќ тргнаа по израмнување и во 54. минута, Арнаутовиќ намали на 2-1. Се обидуваше Звезда да дојде до израмнување и повеќе напаѓаше, меѓутоа се до финишот Војводина одолеваше.

Тогаш по една лоша интервенција на еден од одбранбените фудбалери кој со глава само му ја намести топката на Родриго, а тој одлично се снајде за 2-2.

Двете екипи беа претпазливи во продолженијата, па така не видовме погодоци и победникот се решаваше на пенали.

Драматично беше и во пенал рулетот каде што Младеновиќ и Џон Мери не беа прецизни за Војводина, додека кај Звезда не погоди само Лучиќ, па се беше решено во шестата серија.

ВИДЕО | „Делии“ се степаа со полицијата, се одложи почетокот на финалето во српскиот куп