ВИДЕО: Диего Коста официјално се врати во Премиер лигата
Вулверхемптон официјално пред јавноста го промовираше новото летно засилување, 33-годишниот напаѓач Диего Коста.
Шпанецот се врати во Премиер лигата како слободен играч, потпиша договор кој ќе трае до крајот на оваа сезона, откако новајлијата Саша Калајџиќ се повреди и ќе паузира неколку месеци.
За Челси настапуваше од 2014 до 2017 година и во тој период одигра 89 натпревари, постигна 52 гола и забележа 18 асистенции.
Играше и за екипите на Брага и Ваљадолид, но се прослави дури кога во 2012 година го облече дресот на Атлетико, по бројните позајмици од мадридскиот клуб.
Од Атлетико замина во Челси, а од Лондон се врати во Мадрид, за подоцна да заигра за Атлетико Минеиро, со кого во зима го раскина договорот.
It's official. ✍️ pic.twitter.com/FXcgReSlsr
— Wolves (@Wolves) September 12, 2022