Бројот на загинати во поплавите во југозападна Кина, во регионот на Чунчинг, се искачи на девет, а 11 луѓе се водат како исчезнати по обилните врнежи од дожд во оваа општина, објави Ројтерс.

Неколку населби и села во областа Јонгчуан беа сериозно погодени од ненадејни и екстремни врнежи во текот на ноќта во саботата, јавија државните медиуми.

Претходно во неделата беа потврдени три смртни случаи.

Врнежите предизвикаа поројни поплави и свлечишта во регионот, а повеќе од 2.000 жители беа евакуирани, соопшти државната новинска агенција.

Десетици луѓе загинаа претходно минатата недела кога силен бран на обилни врнежи зафати големи делови од централна и југозападна Кина.

Четворица загинаа во поплави во Кина, евакуирани се над 19.000 луѓе