Четворица луѓе загинаа, а еден се води како исчезнат по поројните дождови што предизвикаа поплави во провинцијата Хунан, во централна Кина, објави „Анадолу“.

Најновиот бран дождови го погодил округот Шимен, каде биле засегнати 61.583 жители. Според локалниот комитет за вонредни состојби, 19.040 луѓе биле евакуирани на побезбедни места.

Обилните дождови продолжиле и во вторникот во делови од централна Кина, предизвикувајќи поплави и нарушувања во секојдневниот живот. Поради невремето биле затворени училишта и деловни објекти, а проблеми имало и во транспортот и снабдувањето со електрична енергија.

Кинеската државна агенција „Синхуа“ предупреди дека делови од Хунан и понатаму се соочуваат со ризик од свлечишта, поројни и урбани поплави, како и задржување вода во населени места.

Зграда се урна во Германија, спасувачите трагаат по тројца исчезнати