ВИДЕО: Деле Али спектакуларно пречекан во Истанбул
Деле Али, досегашниот фудбалер на Евертон, својата професионална кариера ќе ја продолжи во редовите на турскиот клуб Бешикташ.
Некогаш еден од најголемите таленти на англискиот фудбал, кој поголемиот дел од кариерата беше во дресот на Тотенхем, реши да ја прифати понудата на турскиот великан. Останува само да ги помине лекарските прегледи.
Али засега ќе игра во Бешикташ како позајмен играч, но не се исклучува можноста да биде откупен, доколку биде задоволен во најголемиот град во Турција и доколку дојде до договор меѓу клубовите.
Во последно време играчот е далеку од вистинската форма, не е во преден план кај менаџерот Френк Лампард и само повремено добива шанса од клупата на Евертон.
Секако, тоа не ги спречи навивачите на Бешикташ да му приредат спектакуларен пречек во раните утрински часови.
…and here Besiktas fans giving warm welcome to Dele Alli 🔥🇹🇷 #Besiktas
Dele will undergo medical tests as new Besiktas player on Thursday. pic.twitter.com/h0lY40UyD8
— Fabrizio Romano (@FabrizioRomano) August 24, 2022