Даска за сурфање изгубена покрај брегот на Австралија пред речиси 18 месеци се најде на една од најпознатите плажи за сурфање во Нов Зеланд, илјадници километри од местото каде што последен пат беше видена. Персонализираната даска за сурфање, која паднала од брод во Тасманија пловела околу 2.400 км (1.490 милји) низ морето, пишува „Би-би-си“.

Даската ја пронашол францускиот сурфер Алваро Бон. Тој рекол дека даската е во релативно добра состојба, со оглед на тоа што има нов восок.

„Кога ја превртив, забележав дека е покриена со школки“, изјави тој за „Гардијан“, додавајќи дека потоа сфатил дека даската можеби доаѓа од Јужниот Остров или Австралија.

По неколку дена решил да го бара сопственикот. Бон објави слики од даската и порака во која бара помош за идентификација на сопственикот во австралиските и јужноафриканските групи за сурфање на Фејсбук.

Меѓу илјадниците пораки беше и една во која сопственикот беше идентификуван како човек по име Лиам, кој ја изгубил даската за време на патување со брод покрај брегот на Тасманија на 10 мај 2024 година.

„Лиам не можеше да поверува. Ми рече дека е една од неговите омилени и дека навистина му недостига. Даската за сурфање паднала во морето, а торбата и јажето сè уште биле закачени. Мислам дека затоа даската за сурфање е толку сочувана, бидејќи торбата веројатно била симната од даската само пред неколку месеци“, рече тој.

Даската ќе биде подигната во Окленд оваа недела и повторно вратена кај нејзиниот австралиски сопственик, познат само како Лиам, кој вели дека даската била фрлена во морето во мај 2024 година.