ВИДЕО | Дали Ковачевски ги користи ПР-методите на Груевски? Еве што одговори премиерот
Одговарајќи на прашање, откако новинар му покажа фотографија на која и поранешниот премиер Никола Груевски пазари во маркет и проверува цени, премиерот Димитар Ковачевски денеска рече дека не гледа сличност со него и посочи дека не е потребен ПР-експерт за да се отиде во маркет.
Разликата со претходните влади е таа што, ние живееме во најголемата енергетска и економска криза по Втората светска војна. Претходните влади кои живееа во економски просперитет не направија ништо за државата бидејќи имавме минимална плата од 8.000 денари и просечна плата од 20.000 денари. Сега имаме минимална плата од 20.000 денари и просечна над 34 илјади, вели тој.
За тоа дали е потребно да има камери додека заедно со министерот за економија, Крешник Бектеши прават проверка на замрзнатите цени, премиерот вели дека улогата на медиумите е да информираат и затоа се повикани.
Но, тука се и да ги постават прашањата што ги интересираат граѓаните, додава Ковачевски.