Силен циклон од Јадранското Море донесе обилни дождови во Црна Гора, предизвикувајќи поплави во Котор и во Улцињ, каде под вода се центарот на градот, објекти и улици.

Поради плимниот бран во попладневните часови, главниот влез во Котор беше под вода во неделата, што го отежна движењето на граѓаните и на туристите, објави „Вјести“.

Уште во раните утрински часови водата навлегла во населбата Стари град, при што биле поплавени станбени објекти, деловни простории и подруми.

Под вода се најде и инфо-пунктот на Туристичката организација на Котор, кој привремено е преместен во Канцеларијата за пријава и одјава на престој на странци во Стариот град.

Во Улцињ, дождот кој речиси непрекинато паѓа веќе неколку дена предизвика проблеми во одвивањето на сообраќајот и поплави на имоти во одделни делови од градот, пишува „Вјести“.

Само вчера наврнале речиси 50 литри дожд на квадратен метар.

Најкритична е состојбата на улицата „Мајка Тереза“, која е целосно под вода и во најголем дел затворена за сообраќај, а загрозени се и домаќинствата во околината.

Поплави во Сарај, механизацијата на терен