ВИДЕО: Чупиќ и Дибиров за петто финале на ППД Загреб во СЕХА лигата
Уште пред мечот се знаеше дека Хрватска сигурно ќе има учесник во финалето годинава во СЕХА Газпром лигата.
Во првиот полуфинален натпревар на Фајнал-фор турнирот во Задар, екипата на ППД Загреб со 32:26 (16:11) славеше против Нексе.
ППД Загреб го обезбеди петтото финале во регионалното натпреварување, во својата досегашна историја само еднаш излезе како победник во битката за трофејот, и тоа во сезоната 2012/2013 на Ф4 турнирот во Скопје, а беше поразен во 2018, 2019 и 2021 година.
Најзаслужни за денешната победа беа екс играчите на Вардар 1961, Иван Чупиќ со седум и Тимур Дибиров со шест голови.
Играчите на тренерот Ивица Обрван за трофејот в недела ќе играат со победникот од втората полуфинална пресметка помеѓу Е. Пелистер и Веспрем (20.30 часот).