ВИДЕО | Чудо од дете: Има само 15 години и наскоро ќе дебитира за првиот тим на Милан
Поради Франческо Камарда, кој во март ќе наполни само 16 години, Милан побара и доби специјална дозвола за настап во Серија А. Ова може да се случи веќе во сабота против Фиорентина. Уште нема наполнето ни 16 години, а веќе тренира со првиот тим на гигантот Милан. И уште повеќе, оваа сабота тој би можел да стане најмладиот дебитант во историјата на Серија А.
Неговото име е Франческо Камарда, роден е на 10 март 2008 година и моментално е репрезентативец на Италија до 17 години. Со оглед на тоа што тренерот на Милан Стефано Пиоли го нема на располагање Оливие Жиру поради картони, како и повреди на Рафаел Леао и Ноа Окафор, посегна по напаѓачот на јуниорскиот тим.
И тој чекор беше голем за 15-годишник, но тој веќе постигна седум гола и двапати асистираше на 13 натпревари. До 14 години има постигнато неверојатни 500 гола за Милан или пет и пол по натпревар!?
🔴⚫️ AC Milan are considering to call 2008 born Italian talent Francesco Camarda as part of the first squad for the upcoming game vs Fiorentina.
Camarda, 15 years old — already scored 3 goals vs PSG and Newcastle in Youth League.
New deal will also be offered… pic.twitter.com/ZmbDigO6Y6
— football b*stards (@FootballBstards) November 23, 2023
Неговата мајсторија со ножички на натпреварот од младинската лига против ПСЖ го обиколи светот, а на Њукасл му даде хет-трик.
– Точно е, ќе го додадеме во тимот за натпреварот против Фиорентина. Тој е многу талентиран, а талентот не познава години. Ќе биде подготвен доколку ни треба – изјави Пиоли.
Пропозициите во Италија обично ги спречуваат оние помлади од 16 години да играат за сениорите, но направија исклучок за момчето кое веќе порасна и до 184 сантиметри и веќе според многумина е „новиот Златан Ибрахимовиќ“. Тоа е можно со согласност на регионалната федерација која даде зелено светло.