ВИДЕО: Бразилски политичари од градот Борба ги решиja проблемите со борба пред полна сала

Тепачка на бразилски политичари/ Фото Youtube Screenshot

Двајца бразилски политичари одлучиле своите проблеми да ги решат на доста необичен начин како за политичари, пренесува Гардијан.

Симао Пеишото, градоначалникот на градот Борба, кој се наоѓа во Амазонија, на околу 120 километри јужно од Манаус, добил удар во лицето од страна на поранешниот советник Еринеу да Силва, кој го повикал да го реши спорот со тупаници на улица.

Пеишото му рекол дека не е силеџија што се бори на улица, но му кажал дека ќе се бори со предизвикувачот во рингот.

Гардијан објави детален опис на тепачката во училишната сала исполнета, очекувано, до последното седиште. Иако влезот се плаќал, кој не би сакал да гледа како се тепа градоначалникот на неговиот град?

Во Бразил ништо не може да помине без религија – градоначалникот влегол во рингот обвиткан во пешкир на кој пишувало „Исус“.

Се започанло лошо, Пеишото (39) веднаш го соборил Да Силва (45) на подот, но тој набрзина се опоравил, па по три рунди градоначалникот едвај можел да оди, пренесуваат локалните медиуми. Да Силва победил со судиска одлука, што предизвикало незадоволство кај публиката.

Видео на денот