Убиецот на Росица и на нејзиниот татко има име и презиме и се вика неодговорност и корупција, смета поранешната претседателка на Антикорупциска комисија и кандидатка за градоначалничка на Центар Билјана Ивановска.

Доколку истрагата се изработи професионално би требало да покаже кој од овие два фактори преовладал или пак и двата фактори придонеле Росица повеќе да не е меѓу нас. За жал корупцијата во нашава држава е присутна буквално во сите пори на општеството. Државата мора да преземе мерки за да ги раскине тие заднинско-политички мрежи кои што доведуваат корупцијата да биде во постојан пораст. За тоа треба да има многу волја и тоа не само политичка, туку и граѓанска волја, изјави таа.