ВИДЕО | Барселона со гол во 92. минута го победи Реал и дојде на чекор од титула!
Најголемото шпанско дерби „Ел Класико“ вечерва во рамките од 26-тото во Ла Лига заврши со победа на Барселона која има огромно значење во битката за титулата.
Реал Мадрид прв дојде до водство со автоголот на дефанзивецот, Араухо уште во деветата минута. Барселона имаше негатива се до финишот од полувремето кога Серхи Роберто донесе изедначување..
Во второто полувреме и двете екипи имаа свои шанси. На десетина минути пред крајот Марко Асенсио се израдува на погодок, но по реакција на ВАР истиот беше поништен поради офсајд.
Голот кој можеби значи и титула за Барселона беше дело на Франк Кеси и тоа во 92-та минута. Пред голот на Кеси мора да се истакне и одличното додавање со пета на Левандовски до Балде кој испрати одлична во шеснаесетникот. Барселона со овој триумф веќе има 12 бода предност во Ла Лига и доаѓа на чекор од освојување на титулата.