Фудбалерите на Барселона денеска ја победија Мајорка со 3:0 (2:0) на гостински терен во првото коло од новата сезона во Ла Лига.

Головите за Барселона ги постигнаа Рафиња во седмата минута, Феран Торес во 23 и Ламине Јамал во 90+4 минута.

Мајорка го заврши натпреварот со двајца играчи помалку, откако Ману Морланес беше исклучен во 33 минута, а Ведат Муричи доби директен црвен картон шест минути подоцна.

Во следното коло на 23 август на гостински терен Барселона ќе игра против екипата на Леванте.

Истиот ден Мајорка пред своите навивачи ќе се обиде да дојде до првите бодови сезонава во шпанското првенство против Селта Виго.