ВИДЕО: Барди ќе игра во групите на Лига Европа, шкотскиот Ренџерс се враќа во ЛШ
На реванш натпреварот од плеј-офот за пласман во групите на Лигата на шампионите ремизираа екипите на Трабзонспор и ФК Копенхаген со резултат 0:0. Благодарение на триумфот во првиот меч од 2:1, данскиот шампион обезбеди пласман во групната фаза.
ФК Копенхаген го издржа сиот налет на турскиот првак во чии редови беше и македонскиот репрезентативец Енис Барди кој го одигра целиот меч. Нашиот играч се најде во неколку прилики да ја затресе мрежата на Рајан, но не успеа да се запише во листата на стрелците.
Трабзонспор после оваа елиминација своето учество на меѓународната сцена ќе го продолжи во групите на Лига Европа.
Ренџерс чекаше повеќе од една деценија за повторно да биде дел од европскиот фудбалски крем, откако на гостувањето кај ПСВ славеше со 0:1.
По првите 90 минути во Шкотска резултатот беше 2:2, и Холанѓаните имаа убава шанса да ја остварат целта, но ги разочараа своите навивачи на „Филипс стадионот“ во Ајндховен.
Стрелец на единствениот гол беше хрватскиот интернационалец Чолак во 60 минута. Интересот е податокот што Шкотска за првпат по 15 години ќе има две екипи во групите на ЛШ, Ренџерс и Селтик.
Celtic and Rangers are both in the Champions League group stage for the first time in 15 years 🏴🏆 pic.twitter.com/85WVUXr7oq
— ESPN UK (@ESPNUK) August 24, 2022