ВИДЕО: Барди блескаше со два гола за Трабзонспор во турската Суперлига
Во рамките од третото коло во најсилното турско првенство составот на Трабзонспор загуби со 5:2 на гостувањето кај Анталијаспор.
Од 14 минута водеа домаќините со голот на Фернандо, а од пенал во 40 минута предноста ја зголеми Рајт. Во 43 минута во игра влезе новото летно засилување на Трабзонспор, македонскиот репрезентативец Енис Барди кој блескаше на овој меч, иако на крајот неговата екипа беше поразена.
Најпрвин непосредно пред паузата (45+5`) намали нашиот играч на 2:1 после асистенцијата на Корнелиус. Следуваше прекрасен гол на Барди во 73 минута за одржување на шансите на неговиот тим да извлече поволен резултат. Тие се првите два гола на репрезентативецот на Македонија во дресот на Трабзонспор.
Гостите по израмнувањето се обидоа да направат целосен пресврт, но безуспешно. Сите карти беа фрлени во нападот, но се остави голема празнина во гостинската одбрана, а тоа знаеше да го казни и искористи Анталијаспор.
GOAL
Bardhi’s first goal for Trabzonspor
2-1 pic.twitter.com/ZREQGTYeCL— Kaan-Turkish Football🇹🇷 (@Kaan_turk_footy) August 20, 2022
GOL | Antalyaspor 2-2 Trabzonspor
⚽️ 73' Bardhi 🔥
Canlı yayın ve Anlık goller için Takip: @1FutbolBey #trabzonspor #Antalyaspor #ANTvTS#Bardhi pic.twitter.com/yvpfA35hUH
— Futbol Bey ⚽ (@1FutbolBey) August 20, 2022
Во 81 минута во контранапад Бајракдар ги израдува своите навивачи за враќање на предност на домаќинот (3:2). Сите дилеми околу победникот беа решени во судиското надополнување кога во мрежата на Чакир повторно стрелаше Бајракдар (90+6`) и уште еднаш Рајт (90+8`).
Следниот меч во шампионатот на Турција Трабзонспор ќе го има на 28 август дома против Галатасарај.
