Изминатата вечер во НБА лигата се одигра само еден натпревар во кој видовме и изненадување, Детроит Пистонс славеше победа против Далас со 131:125 после продолжение откако во регуларниот дел беше 117:117.

Најдобри на теренот беа балканските ѕвезди Бојан Богдановиќ и Лука Дончиќ. Хрватскиот кошаркар со 30 поени го предводеше својот тим до шестата победа во сезоната.

Гостите направија пресврт во последната четвртина и обезбеди продолжение каде што се решаваше натпреварот. Сепак, тимот на Џејсон Кид во продолжението направи неколку технички грешки во низа и така дозволи Пистонс да слават во овој дуел.

Натпреварот Лука Дончиќ го заврши со дабл-дабл од 30 поени и десет скока. Мора да се истакне и Французинот Хејс кој постигна 22 поени, но во последните моменти погоди две важни тројки за победа на Детроит.