Фудбалерите на Баерн Минхен за прв пат по шест години се пласираа во финалето на Купот на Германија откако го победија Баер Леверкузен со 2:0.

Баварскиот гигант поведе со голот на Хари Кејн во 22 минута, а Луис Дијаз го постави конечниот епилог во третата минута од судиското продолжение.

Во второто полуфинале ќе играат бранителот на титулата Штутгарт и Фрајбург во четврток.

Финалето е закажано за 23 мај на Олимпискиот стадион во Берлин.

Потсетување, играчите предводени од тренерот Венсан Компани ја одбранија титулата во Бундеслигата во недела.

Тимот на Компани има шанса да го освои и третиот трофеј оваа сезона, откако се пласираше во полуфиналето на Лигата на шампионите каде што ќе се соочи со бранителот на титулата, Париз Сен Жермен.